Бухорода табиий газдан ноқонуний фойдаланиш ҳолатлари фош этилди

 

Бухоро вилоятида табиий газдан ноқонуний фойдаланиш ҳолатларини аниқлаш бўйича олиб борилган назорат тадбирларида бир қатор қонунбузарликлар аниқланди. Газ таъминоти филиалининг комплаенс назорат тузилмалари томонидан ўтказилган текширувлар натижасида бир нечта маҳаллаларда яширин газ истеъмоли фош этилди.

 

Аниқланган ҳолатлар:

Бухоро тумани, «Шергирон» МФЙ – фуқаро M.J. газ ҳисоблагични четлаб ўтиб, ноқонуний уланиш орқали 31,3 млн сўм зарар етказган.

 

Бухоро шаҳри, «Гулшанобод» маҳалласи – фуқаро H.K. ер остидан тортилган пластик қувур орқали газдан фойдаланиб, 32,9 млн сўм миқдорида зарар келтирган.

 

Ромитан тумани, «Қумработ» маҳалласи – фуқаро S.T. иссиқхонаси учун яширин газ қувурини тортгани аниқланиб, 90,2 млн сўм зарар қайта ҳисоб-китоб қилинди.

 

Шофиркон тумани, «Қайрағоч» МФЙ – фуқаро O.B. ўз хонадонида савдо дўкони ташкил этиб, газ иситиш қозонидан ноқонуний фойдаланган. Зарар миқдори 13,5 млн сўмни ташкил қилади.

 

Шофиркон тумани, «Калон» маҳалласи – фуқаро T.B. газ ҳисоблагични четлаб ўтиб, 20,5 млн сўм зарар етказган.

 

Ғиждувон тумани, «Ғиждувон» МФЙ – фуқаро X.Sh. резина шланг ва газ сўрғич орқали ноқонуний газ истеъмол қилгани аниқланиб, 14,8 млн сўм миқдорида зарар қайта ҳисоб-китоб қилинди.

 

Барча аниқланган қонунбузарликлар бўйича ҳужжатлар расмийлаштирилиб, ҳуқуқни муҳофаза қилувчи идораларга тақдим этилди.