Бразилияда коронавируснинг янги тури аниқланди
Вируснинг инсонларга юқиш-юқмаслигини ҳозирча номаълум.
Бразилиялик олимлар маҳаллий кўршапалакларда коронавируснинг янги турини аниқлашди. Янги вирус 2012 йилда Яқин Шарқда аниқланган Mers-coV вирусига генетик жиҳатдан 72 фоиз ўхшаш экани қайд этилди.
2014 йилда Mers-coV Саудия Арабистонида 283 кишининг ҳаётига зомин бўлгани маълум. Жаҳон соғлиқни сақлаш ташкилоти маълумотларига кўра, дунё бўйлаб ушбу вирус билан боғлиқ 2613 ҳолат қайд этилган бўлиб, 943 нафар бемор вафот этган.
Бразилиялик олимлар янги вирус инсонларга юқиш-қилмаслигини ҳозирча аниқлай олишмаган, аммо бундай эҳтимол мавжудлигини таъкидламоқда. Тадқиқотлар давом этмоқда ва олимлар бу йил Гонконг лабораторияларида қўшимча изланишлар олиб боришни режалаштирмоқда.
