Тошкентдаги кўп қаватли уйда ёнғин чиқди
Ҳолат юзасидан шаҳар ФВБ маълумот берди.
Қайд этилишича, 20 март куни соат 22:04 да Юнусобод тумани Юнусота кўчасида жойлашган кўп қаватли уйнинг 8-қаватдаги хонадонларнинг бирида ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 22:16 да етиб бориб, ёнғин соат соат 22:24 ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.
