Мусиқа тури овқатланиш одатларига қандай таъсир қилиши аниқланди
Классик мусиқа иштаҳани камайтириши мумкин.
Лондон университет коллежи олимлари классик мусиқа инсон иштаҳасига таъсир қилиши мумкинлигини аниқладилар.
Эксперимент давомида олимлар ресторан ташрифчилари орасида овқатланиш одатлари ва фонда чалинаётган мусиқа тури ўртасидаги боғлиқликни ўргандилар. Уларнинг кузатувларига кўра, классик мусиқа эшитган инсонлар ёғсиз ва кам калорияли овқатларни танлашга мойил бўлган, шу билан бирга, жазз, рап ёки рок каби жонли ва ритмик мусиқалар эса аксинча, иштаҳани кучайтириб, ёғли ва юқори калорияли таомларни истеъмол қилиш эҳтимолини оширган.
Мутахассисларнинг фикрича, секин темпли классик мусиқа миянинг очлик ҳисси билан боғлиқ қисмларининг фаоллигини пасайтириши мумкин. Бироқ, бу назарияни янада чуқурроқ ўрганиш ва тасдиқлаш учун қўшимча тадқиқотлар талаб этилади.
Тадқиқотчилар бу натижаларнинг овқатланиш одатларини бошқариш ва соғлом овқатланиш стратегияларини ишлаб чиқишда фойдали бўлиши мумкинлигини таъкидламоқда.
