1 апрелдан Самарқандда сув тарифлари ўзгаради
Аҳоли ва ташкилотлар учун сув нархлари қайта белгиланди.
Самарқанд вилоятида 1 апрелдан ичимлик ва оқова сув хизматлари учун янги тарифлар жорий этилади.
Вилоят халқ депутатлари кенгаши 24 март куни ичимлик суви таъминоти ва оқова сув хизматлари бўйича янги тарифларни тасдиқлади. Унга кўра, 1 метр куб сув нархлари қуйидагича белгиланмоқда:
Ичимлик суви:
- Аҳоли учун – 2 800 сўм
- Бюджет ташкилотлари ва йирик истеъмолчилар учун – 6 700 сўм
Оқова суви:
- Аҳоли учун – 1 900 сўм
- Бюджет ташкилотлари ва йирик истеъмолчилар учун – 5 300 сўм
Янги тарифлар ҚҚС ҳисобга олинмаган ҳолда тасдиқланган.
Мазкур қарорнинг ижроси Халқ депутатлари вилоят кенгаши, шунингдек, вилоят ҳокимининг ўринбосари Акмал Шукуров томонидан назорат қилинади.
