Ернинг сув заҳиралари камайиб бормоқда

 

Мелбурн университети гидрологлари Донгреол Рю ва Ки-Вон Сео олиб борган тадқиқот натижаларига кўра, глобал исиш тупроқ, кўллар, дарёлар ва қор тўпламидаги сув миқдорини сезиларли даражада камайтирмоқда. Ушбу ўзгаришлар қишлоқ хўжалиги ва глобал денгиз сатҳи учун жиддий оқибатларга олиб келиши мумкин.

 

Сўнгги 20 йил ичида Ер 2000 гигатондан ортиқ намликни йўқотди – бу тўрт йил ичида Гренландия музликларининг эришидан икки баравар кўп. Шунингдек, тадқиқотчилар тупроқ намликни сақлаб қолиш қобилиятини йўқотаётганини аниқлашди. Бу эса қурғоқчиликнинг ортиши ва қишлоқ хўжалиги учун шароитларнинг ёмонлашишига сабаб бўлмоқда.

 

Бундан ташқари, сув массаларининг қайта тақсимланиши Ернинг айланишига таъсир кўрсатмоқда. Олимларнинг фикрича, массанинг силжиши сайёранинг ўз ўқи бўйлаб «силкинишига» олиб келмоқда.

 

Мутахассислар огоҳлантиришича, агар иссиқхона газлари чиқиндилари камайтирилмаса ва сув ресурсларидан фойдаланиш ўзгармаса, вазият янада оғирлашади. Олимлар бу кашфиётни “уйғониш қўнғироғи” деб аташмоқда ва глобал ҳамжамиятни сувдан эҳтиёткорона фойдаланишга чақиришмоқда.