Чернобил ҳайвонларида ноёб суперқобилиятлар аниқланди
Уларда радиацияга мослашувчанлик кузатилмоқда.
Масалан, бўрилар хавфсиз нормадан 6 баравар юқори радиацияга дуч келса ҳам, уларнинг иммунитети саратон касалига қарши ажойиб қаршилик кўрсатмоқда. У ерда яшаётган итларнинг ҳам ДНКсида ўзгариш борлиги аниқланган.
Радиацияга мослашувчанлик ҳатто қушларда ҳам сезилган. Уларнинг ҳужайраларида антиоксидантлар ишлаб чиқариш хусусияти ошган. Энг катта ўзгариш қурбақаларда сезилган — уларнинг териси ранги ўзгариб, радиациядан ҳимоя қилиш қобилияти ошган.
Олимлар бундан радиация нафақат тирик мавжудотларни йўқ қилиши, балким уларнинг организмида кутилмаган эволюция жараёнларни қўзғатиши ҳам мумкин, деган хулосага келишмоқда.
