Трамп барча давлатлар учун импорт божларини жорий этди
Ўзбекистон товарларига 10% тариф белгиланди.
АҚШ президенти Доналд Трамп чет элдан импорт қилинадиган барча маҳсулотларга 10% бож жорий этилганини эълон қилди. Бу қарор Оқ уйда бўлиб ўтган матбуот анжуманида эълон қилинган бўлиб, Трамп уни "АҚШ иқтисодий мустақиллик декларацияси" деб атади.
Янги божхона тарифларига кўра, Ўзбекистон маҳсулотларига ҳам 10% бож солинади. Хитой, Европа Иттифоқи ва бошқа баъзи давлатларга эса янада юқори тарифлар белгиланди. Трампнинг таъкидлашича, ушбу чоралар Америка саноатини мустаҳкамлаш ва иқтисодий фаровонликни оширишга қаратилган.
Мазкур божлар 5 апрелдан кучга киради ва келажакда қайта кўриб чиқилиши мумкин. Экспертлар бу қарорнинг халқаро савдога таъсири қандай бўлишини кузатмоқда.
