11 млн сўмдан юқори пул ўтказмалари назоратга олинади
Ҳар бир операция хавф даражасига қараб баҳоланади.
2025 йил 2 июлдан бошлаб Ўзбекистон Марказий банки томонидан тўлов тизимлари ва электрон пул айланиши устидан назорат кучайтирилади.
Янги тартибларга кўра, агар жисмоний шахс тўлов ташкилоти иловасида ҳисоб очмоқчи бўлса, Э-ПОС орқали ишламоқчи ёки 187,5 миллион сўмдан ортиқ операцияни рўйхатдан ўтмаган ҳисоб орқали амалга оширмоқчи бўлса — у ҳолда ташкилот мижозни текшириши мажбурий бўлади.
Шунингдек, 11,25 миллион сўмдан юқори электрон пул ўтказмаларида жўнатувчи ва қабул қилувчининг тўлиқ маълумотлари (ИД рақами, туғилган сана ва жойи ёки ташкилот номи) кўрсатилиши шарт бўлади. Ҳар бир операция хавф даражасига қараб баҳоланади ва идентификация маълумотлари махсус сақланади.
