Фарғонадаги ЙТҲ оқибатида икки киши вафот этди
“Дамас” юк машинаси билан тўқнашди.
Фарғона вилояти Фурқат туманида Дамас автомобили юк машинаси билан тўқнашиши натижасида оғир йўл-транспорт ҳодисаси содир бўлди. Дастлабки маълумотларга кўра, Дамас ҳайдовчиси оралиқ масофани сақлай олмагани сабабли бахтсиз ҳодиса юз берган.
ЙТҲ натижасида Дамас автомобили жиддий шикастланган, ҳайдовчи ва йўловчилар эса зудлик билан шифохонага етказилган. Шифокорларнинг таъкидлашича, шифохонага икки нафар жасад ҳамда оғир аҳволдаги бемор олиб келинган. Жабрланувчи кейинчалик Қўқон шаҳрига реанимация бўлимига юборилган.
Ҳозирда мазкур ҳолат бўйича тергов ишлари олиб борилмоқда. Жиноят кодексининг 266-моддасига асосан жиноят иши қўзғатилган.
