Қашқадарёда 1 млрд сўмлик электр талон-тарож қилинди
Жиноятчилар процессуал тартибда қўлга олинган.
Қашқадарё вилоятида электр тармоғи ходими фермер билан тил бириктириб, катта миқдордаги давлат ресурсини талон-торож қилган. Қарши шаҳардаги электр тармоғи корхонаси ходими B.A. ва фермер хўжалиги раҳбари Ў.Т. олдиндан келишиб, фермер хўжалигининг омборхонасидаги икки дона қўлбола ёғ ишлаб чиқариш ускунасини электр тармоғига ноқонуний улаган.
Текширувлар давомида улар жами 1 миллиард 50 миллион сўмлик электр энергиясини ўғирлагани аниқланган.
Мазкур ҳолат юзасидан Жиноят кодексининг 169-моддасининг 4-қисми «а» банди (талон-торож қилиш) билан жиноят иши қўзғатилган.
