Ўзбекистон ва Хитой ўртасида янги парвозлар очилиши режалаштирилмоқда

 

Ўзбекистон ва Хитой ўртасидаги авиақатновларни кенгайтириш бўйича янги режалари мавжуд. Апрель бошларида Uzbekistan Airports ва China Southern Airlines авиакомпанияси ўртасида музокаралар ўтказилди. Учрашувда, ҳамкорликни янада ривожлантириш, мавжуд парвозлар сонини ошириш ва Ўзбекистон аэропортларига янги йўналишлар очиш имкониятлари муҳокама қилинди.

 

China Southern Airlines компанияси ҳозирда Тошкентдан Пекинга (ҳафтасига 4 марта) ва Тошкентдан Урумчига (ҳафтасига 5 марта) парвозларни амалга ошириб келмоқда. Энди компания, мавжуд йўналишлар частотасини ҳафтасига етти мартагача оширишни кўриб чиқмоқда.

 

Шунингдек, Uzbekistan Airports Андижон, Наманган ва Фарғона аэропортларидан Хитой шаҳарларига янги йўналишлар очишни таклиф қилган. China Southern Airlines компанияси эса, Хитойдан халқаро парвозлар таклиф этадиган йирик авиакомпаниядир.

 

Бундан ташқари, 2 апрелдан Хитойнинг SF Airlines авиакомпанияси Тошкент ва Ланчжоу ўртасида юк ташишни йўлга қўйди. Дастлаб, парвозлар ҳафтасига икки марта амалга оширилади, аммо келажакда уларнинг сони оширилиши режалаштирилмоқда.

 

Шу кунларда, Oman Air авиакомпаниясига ҳам Ўзбекистонга мунтазам авиақатновларни амалга ошириш учун рухсат берилди. Маскат ва Тошкент ўртасида Boeingг-737 самолётларида мунтазам парвозлар амалга оширилади.