Сурия етакчиси Туркия президенти билан учрашди
Учрашувда сиёсий ва дипломатик алоқалар муҳокама қилинди.
Туркияда ўтказилаётган Анталия дипломатия форуми (АДФ 2025) доирасида Суриянинг ўтиш даври президенти Аҳмад аш-Шараа ва Туркия президенти Ражаб Тоййиб Эрдўған ўртасида учрашув бўлиб ўтди.
Учрашувда икки мамлакат ўртасидаги сиёсий ва дипломатик алоқалар муҳокама қилинди. Шунингдек, Аш-Шараа форум доирасида Озарбойжон президенти Илҳом Алиев, Косово президенти Вжоса Усмоний, Қатар бош вазири ва Ташқи ишлар вазири Шайх Муҳаммад бин Абдулраҳмон Ол Соний, ва Саудия Арабистони Ташқи ишлар вазири Файсал бин Фарҳан билан ҳам учрашувлар ўтказгани маълум қилинмоқда.
Анталия дипломатия форуми минтақа ва глобал дипломатиядаги муҳим ташаббусларни муҳокама қилиш ва янги ҳамкорлик алоқаларини ўрнатиш учун аҳамиятли платформа ҳисобланади.
