Ўзбекистон

Бунёднинг "Кибо"си

Бир жуфт "Кибо" ва орзулар...

Бунёднинг "Кибо"си

Ишдан қайтишда ҳар куни маҳалламизга кириш жойидаги ўша жайдари жойда тушиб қоламан.

 

15 дақиқалик йўлни пиёда босиб ўтаман. Эрталаб ҳам худди шу йўлдан ўтаман. Бу йўлнинг иккита танлови бор, мен эса ҳар доим сув ёқалаб Manzura Rustamova нинг кўчасидан юраман.

 

Кечагина босиб ўтган йўлимдаги оёқ изларим саратонда сал ўчган, булутли кунларда қиров билан қопланган, баҳорда эса ёмғир билан ювилиб кетган бўлади.

 

Излар Бунёднинг "Кибо" туфлисидаги изларга ўхшайди. Бироқ айнан ўша эмас.

 

Баҳор нафаси

 

Ҳаво илий бошлаган, қишнинг совуқ шамоллари энди шивирлабгина учади.

 

Юзга, қўлнинг чўзиқ бармоқларига қуёш илк илиқлиги билан теккан. Ҳануз қор парчалари ариқ ёқасидаги сояларда сақланиб қолган, лекин энди улар ҳам эрийди.

 

Ариқ бўйидаги тераклар куртаклаш тадоригида. Уйлар ёнидаги шифти очиқ иссиқхоналарда помидор кўчатлари экилмоқда. Ҳамма томонда баҳор нафаси.

 

Ёмғирдан кейинги тупроқ ҳиди, чўмилгандай сергак ҳаво, қушларнинг жилпиллаб учиши – буларнинг ҳаммаси болалик хотираларимни уйғотади.

 

Ҳавас билан бошланган хотира

 

Ҳар сафар қишлоққа борсам, Гулсум аммамга мақтанаман:

 

— Бунёднинг "Кибо"си ҳақида бир ҳикоя ёзаман, газетада чиқса, ўқиб кўрасиз, — дейман.

 

Аммо ёзаман деган гапим гаплигича қолиб кетаверади.

 

Болалигим Сурхонда ўтган. Қишлоқда 13 йил яшадик. Бунёд билан бир девор қўшни, бир синфда синфдош, энг яқин ошна эдик.

 

Уларнинг ҳовлиси ҳаммага сирли туярди. Дарвоза доим ёпиқ, унинг ортидаги ҳаётни фақат тахмин қилиш мумкин эди.

 

Энам билан бозордан излаб-излаб топган туфлим бир йил ўтар-ўтмас, ит ғажигандек қолиб кетарди. Шу боис, мен учун дунёдаги барча бахтиёрлик Бунёдларнинг ҳовлисида йиғилиб ётгандек туюларди.

 

Бир жуфт "Кибо" ва орзулар

 

Бунёднинг "Кибо"си эса ҳар доим янгидай. Айтишича, бу туфлини бизнинг бозорларда топиб бўлмас эмиш. Уни отаси узоқ шаҳарга хизмат сафарига кетганида, яқин дўсти совға қилиб юборган экан.

 

Мен эса бу туфлига чин дилдан ҳавас қилардим. Лекин эски-ямоқ пойабзал кийганимдан уялиб, Нурнигорга яхши кўришимни айтолмасдим.

 

"Кибо" сабабли кўнглимда бир орзу пайдо бўлди. Оёққа шунақа мустаҳкам, чиройли туфли кийиб, шаҳарга қараб югургим келарди.

 

Кечалари ухларканман, кўрпамни ёстиқ қилиб, хаёлга ботардим:

 

Қачон мен ҳам шундай туфли кийиб юраман?

 

Кўзимни юмсам, ўзимни шаҳарда тасаввур қилардим. Олдида улкан дўконлар, ёруғ кўчалар. Оёқларимда тўппа-тоза "Кибо". Атрофдаги одамлар ҳавас билан қарайди, "Э, бу жуда зўр туфли-ку!" деб ҳайрон бўлишади.

 

Бу орзулар билан ухлаб қолардим, аммо эртага яна эски туфлимда уйғонар ва яна Бунёднинг "Кибо"сига ҳавас билан қарардим.

 

Йўллар, дарслар, ҳаёт

 

Йиллар ўтди. Қора тунлар, оқ кунлар, дилдорлар, дили торлар... Ҳаёт ўз йўлидан ўтаверди.

 

Бир пайтлар "Кибо" кийишни орзу қилган бола энди айрим йўллардан ялангоёқ юриш мумкинлигини тушунгандай бўлди.

 

Баҳорда тупроққа босган оёқларнинг ёруғлиги, ёмғирдан кейинги ернинг илиқлиги ҳам туфлидан муҳимроқ эканини ҳис қилгандай бўлди.

 

Энг муҳими, бу йўлда "Кибо" туфлидан кўра, мардлиги тоғдай, бир сўзли, самимий, жонкуяр оғаларни тарбия қилган ота-оналарга раҳмат айтиш ҳикматини англагандай бўлди.

 

Ҳозир ҳам йўл-йўлакай пойабзал дўконларига кириб қолсам, энг чиройлисига қараб қояман. Қўлимда уни сотиб олишга имконият бор, лекин ҳалигача ҳеч қачон Бунёднинг "Кибо"сидек туфли олганим йўқ.

 

Чунки энди менга "Кибо" эмас, балки болаликдаги орзулар қимматлироқ.

 

Бунёднинг "Кибо"си эса ҳали ҳам хотирамда янгидай туради.

 

Элбек Шоим

Мактабларда спорт ривожлантирилади: олимпия спорт турлари бўйича тўгараклар очилади

Мактабларда спорт ривожлантирилади: олимпия спорт турлари бўйича тўгараклар очилади

2027 йилдан спорт мусобақалари ғолибларига диплом ва сертификатлар электрон шаклда берилади.

Ўзбекистон ва Ўмон етакчилари олий давлат мукофотлари билан тақдирланди

Ўзбекистон ва Ўмон етакчилари олий давлат мукофотлари билан тақдирланди

Шавкат Мирзиёев Султонликнинг олий давлат мукофоти – “Ол Саид” ордени билан тақдирланди.

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Ўзбекистон ва Ўмон ўртасидаги муносабатлар кейинги йилларда фаол ривожланаётгани қайд этилди.

Чилонзорда Nexia-3 дарахтга урилди: уч киши ҳалок бўлди

Чилонзорда Nexia-3 дарахтга урилди: уч киши ҳалок бўлди

ЙТҲга автомобиль руль бошқарувида юзага келган техник носозлик сабаб бўлган.

Президент Шавкат Мирзиёев давлат ташрифи билан Ўмонга борди

Президент Шавкат Мирзиёев давлат ташрифи билан Ўмонга борди

Президентни Ўмон Султони Ҳайсам бин Ториқ Ол Саид ва султонликнинг юқори даражали расмийлари кутиб олди.

Реновация эвазига 1 та уй ўрнига 2 та хонадон: Тошкентда янги имконият

Реновация эвазига 1 та уй ўрнига 2 та хонадон: Тошкентда янги имконият

Уй-жой масаласини ҳал этишнинг яна бир варианти сифатида мулкдорларга Янги Тошкент ҳудудидан хонадон ажратиш таклиф этилиши мумкин.

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Мактабнинг том қисми қулаган, бошқа хоналарида ҳам конструктив нуқсонлар аниқланган бўлиб, бино фойдаланишга яроқсиз деб топилган.

22 даража илиқ бўлади: ҳафта давомида об-ҳаво қандай ўзгаради?

22 даража илиқ бўлади: ҳафта давомида об-ҳаво қандай ўзгаради?

Тошкент шаҳрида ҳафта давомида ёғингарчилик кутилмайди.