Ўзбекистон аҳолисининг неча фоизи меҳнатга лаёқатли?
Бу бўйича статистика эълон қилинди.
Ўзбекистонда 2025 йилнинг 1 апрель ҳолатига доимий аҳоли сони 37 697,8 минг кишини ташкил этди. Бу ҳақида Миллий статистика қўмитаси хабар берди.
Қайд этилишича, доимий аҳоли сонининг ёш гуруҳлари бўйича таркиби қуйидагича:
— меҳнатга лаёқатли ёшдан кичиклар – 12,1 млн киши (32,1 фоиз);
— меҳнатга лаёқатли ёшдагилар – 21,1 млн киши (56 фоиз);
— меҳнатга лаёқатли ёшдан катталар – 4,5 млн киши (11,9 фоиз).
Маълумотга кўра, Ўзбекистоннинг доимий аҳолиси сони ўтган йилнинг мос даври билан солиштирилганда 2 фоизга ошган.
Мамлакат аҳолиси 2025 йил бошидан буён 154,6 минг кишига кўпайган. 2025 йилнинг ҳар бир ойида ўртача 51,5 минг кишига, ҳар бир кунида эса ўртача 1,7 минг кишига кўпаймоқда.
