Саратон билан касалланган аёл ўз дафн маросимида қатнашди
Ижтимоий тармоқларда кўпчилик уни қўллаб-қувватлади.
Хитойлик 30 ёшли Жианг Йи бачадон бўйни саратонига чалинганидан сўнг, ҳаётининг сўнгги босқичига бошқача ёндашди — у ўзининг дафн маросимини олдиндан ташкил қилди ва яқинлари билан видолашди. Шифокорлар унга атиги икки йил умр қолганини айтганидан сўнг, Жианг бу дунёни тарк этмасдан туриб, севган инсонлари билан сўнгги бор кўришишга қарор қилди.
Дафн маросими расмий урф-одатларга мувофиқ ўтказилди — Жианг қора кийимда, табутга ётқизилган ҳолда, атрофида эса кўзёш тўкаётган яқинлари турди. Бу маросим унинг ҳаётга бўлган фалсафий ёндашувини ва ўз ҳолатини қабул қилганини кўрсатди.
Жианг Йи ўз ҳаракати орқали ҳаётнинг ҳар бир онини қадрлаш, яқин инсонлар билан вақт ўтказиш муҳимлигини эслатиб ўтди. Ижтимоий тармоқларда кўпчилик уни жасорати ва иродаси учун илиқ фикрлар билан қўллаб-қувватлади.
