Юнонистонда салкам 3 минг йиллик қадимий театр топилди
Вақт таъсирига қарамай, унинг пастки қисми яхши сақланган.
Лефкада оролида археологлар милоддан аввалги даврга оид қадимий юнон театрининг қолдиқларини топишди. Қулмос тепалигида 2015 йилдан бери олиб борилган қазишмалар театрнинг саҳна, оркестр майдони ва томоша залидан иборат бўлганини аниқлади. 21 қаторли ўриндиқлар, 16,65 метрли оркестра ва декоратив ўймакорликлар театрнинг йирик ҳажмли бўлганини кўрсатмоқда.
Ўриндиқлардан баъзилари фахрий меҳмонларга мўлжалланган бўлиши мумкин. Қишлоқ хўжалиги ва вақт таъсирига қарамай, пастки қисми яхши сақланган. Театр милоддан аввалги 31 йилда Никопол шаҳри барпо этилгач, ташлаб кетилган. Ҳозирда ёдгорликни сақлаш лойиҳаси Греция маданий ривожланиш дастурига киритилиши кутилмоқда.
