Марғилонда сохта Миллий гвардия ходими аниқланди
Текширувларда у руҳий носоғлом экани маълум бўлган.
Қайд этилишича, фуқаро Қ.З. Марғилон шаҳридаги автотураргоҳда Миллий гвардия (қўриқлаш бўлими) органига тегишли бўлган кийим-бошда йўловчилар билан турли хил мавзуларда гаплашиб, Миллий гвардия органи шаънига путур етказувчи хатти-ҳаракатлар содир этган.
Ҳолат Миллий гвардия бошқармаси мансабдор шахслари томонидан ўрганилганда эркак умрбод 2-гуруҳ ногирони эканлиги аниқланган ҳамда унда бўлган кийим-бошлар олиб қўйилган.
“Келгусида фуқаролар томонидан бу каби сохта форма кийиш олдини олишга қаратилган назорат тадбирлари олиб борилади”, - дейилади хабарда.
