Табиат билан мулоқот руҳий соғлиқ учун энг яхши восита ҳисобланади
Табиатда сайр қилиш депрессияга қарши курашда самарали эканлиги аниқланди.
Янги илмий тадқиқотларга кўра, очиқ ҳавода, табиат бағрида ўтказилган вақт инсон руҳий саломатлигига кучли ижобий таъсир кўрсатади — ҳаттоки кўплаб антидепрессант дорилар билан тенг ёки ундан самаралироқ бўлиши мумкин.
Олимлар аниқлашича, атиги бир неча соатни дарахтзор, тоғ, сув бўйида ёки шунчаки паркда ўтказиш қуйидаги натижаларга олиб келади:
- ташвиш ва хавотир ҳолатлари 55 фоизга камаяди
- депрессия хавфи 51 фоизга тушади
- ҳаётдан завқланиш ҳисси эса 65 фоизга ошади
Мутахассислар инсон мияси ва асаб тизими сунъий дориларга эмас, айнан табиат билан бевосита алоқа орқали тикланишини таъкидламоқда. Айниқса, эрталабки қуёш нури, қушларнинг сайраши, тоза ҳаво — буларнинг барчаси стрессни камайтирувчи табиий “терапия”.
Олимлар ҳафтада камида 2–3 марта очиқ ҳавода 1 соат сайр қилиш, телефонсиз, ёлғиз ёки сокин муҳитда вақт ўтказиш, шовқиндан узоқ жойларда юриш, юрак уришини тезлатувчи ҳаракатлар қилиш (масалан, пиёда юриш ёки велосипед)ни маслаҳат беришади.
Ушбу тадқиқот руҳий тушкунлик, чарчоқ ва доимий стрессдан азият чекаётганлар учун табиий, арзон ва ён таъсирисиз ечим сифатида қаралмоқда.
