Хитой АҚШдан суюлтирилган газ импортини тўхтатди
АҚШ томонидан LNG импортига 49 фоизлик бож жорий этилган.
Хитой АҚШдан суюлтирилган табиий газ (LNG) импортини бутунлай тўхтатди. Сўнгги танкер 6 февраль куни Техасдаги Корпус Кристи портидан Хитойга етиб келганидан буён, 10 ҳафтадан кўпроқ вақт мобайнида янги етказиб беришлар амалга оширилмаган. Мутахассислар буни АҚШ ва Хитой ўртасидаги савдо урушининг энергетика соҳасига таъсири сифатида баҳоламоқда.
АҚШ томонидан LNG импортига 15 фоизлик бож жорий этилганидан сўнг, Хитойга йўл олган яна бир танкер йўналишини ўзгартириб, Бангладешга газ етказди. Айни пайтда бож 49 фоизга кўтарилди ва бу Хитой компаниялари учун Америка газини иқтисодий жиҳатдан фойдасиз ҳолга келтирди. Натижада, Хитой Россия билан энергетика ҳамкорлигини мустаҳкамлашга ҳаракат қилмоқда.
Колумбия университети эксперти Анне-Софи Корбо бу тўхталиш узоқ муддатли оқибатларга олиб келишини, аммо Хитой компаниялари келажакда АҚШдан газ сотиб олиш эҳтимолини бутунлай рад этиб бўлмаслигини таъкидлади. Шунга қарамай, Кплер таҳлилчиси Гиллиан Боккара яқин орада савдонинг тикланиш эҳтимоли пастлигини айтди.
Ҳозирда Хитой компаниялари АҚШ терминалларидан LNG етказиб бериш бўйича узоқ муддатли шартномаларга эга бўлсада, уларнинг айримлари 2049 йилгача амал қилади. Бироқ, инфляция ва юқори божлар сабабли бу шартномалар ҳам хавф остида қолмоқда.
