Хитой призиденти янги Осиё савдо иттифоқини шакллантирмоқда

Хитой раҳбари Си Сзинпин АҚШнинг жорий қилган юқори божхона тарифларига жавобан Осиё мамлакатлари билан яқинроқ савдо ҳамкорлиги йўлида ҳаракатни бошлади. Унинг ташаббуси Жанубий-Шарқий Осиёда янги савдо альянси яратишга қаратилган бўлиб, бу мамлакатларни АҚШнинг иқтисодий босимига қарши туришда бирлаштиришни мақсад қилади.

 

Си Сзинпин Малайзияга қилган расмий ташрифи давомида бу мамлакатга Хитой бозорига кенгроқ кириш имконини ваъда қилди. Унинг сўзларига кўра, Хитой ва Малайзия минтақадаги бошқа давлатлар билан биргаликда иқтисодий глобаллашув ва геосиёсий беқарорликка қарши курашишлари керак. Малайзия Бош вазири Анвар Иброҳим ҳам АҚШни "бозорга киришни қурол сифатида ишлатмоқда", деб танқид қилди.

 

Хитой раҳбари аввалроқ Ветнамга ташриф буюриб, у ерда сунъий интеллект, 5Г ва қишлоқ хўжалиги маҳсулотлари савдоси соҳаларида ўнлаб битимлар имзолади. Шунингдек, Ветнам ва Хитой ўртасида янги темир йўл қурилиши лойиҳаси эълон қилинди. Си Сзинпиннинг навбатдаги манзили Камбоджа бўлиши кутилмоқда.

 

Жанубий-Шарқий Осиё давлатлари анъанавий равишда АҚШ ва Хитой ўртасидаги рақобатда бетараф позицияни сақлаб келган. Аммо Хитой билан имзоланаётган янги келишувлар Пекиннинг минтақадаги таъсирини ошираётганини ва мамлакатлар Хитой билан яқинроқ ҳамкорликни афзал кўраётганини кўрсатмоқда.