Яшил бананнинг кутилмаган фойдалари аниқланди

 

Испаниялик шифокор Уилям Ариас яшил бананларнинг саломатликка ақл бовар қилмайдиган фойдалари борлигини маълум қилди. Унинг таъкидлашича, ушбу мева колоректал саратон хавфини сезиларли даражада камайтиради.

 

Маълум қилинишича, яшил бананлар “чидамли крахмал” деб аталадиган махсус углевод турига бой. Бу модда ингичка ичакда ҳазм бўлмайди, балки тўғридан-тўғри йўғон ичакка ўтади ва у ерда фойдали бактерияларни кўпайтирувчи пребиётик вазифасини бажаради. Натижада, ичак микрофлораси нормаллашади ва яллиғланишга қарши таъсир кўрсатадиган қисқа занжирли ёғ кислоталари ишлаб чиқарилади. Бу эса ҳужайраларни хавфли ўзгаришлардан ҳимоя қилади.

 

Бундан ташқари, яшил бананлар: холестерин даражасини пасайтиришга, 2-тоифа диабетнинг олдини олишга, ортиқча вазнга қарши курашга ёрдам беради.

 

Шифокорнинг фикрича, айнан яшил ёки озгина пишган бананлар энг фойдалиларидир. Чунки тўлиқ пишган бананларга қараганда камроқ шакар ва калорияга эга бўлиб, хун толаси миқдорини юқори даражада сақлаб қолади.