Аризонада йўқолган икки ёшли болани ит қутқариб қолди

АҚШнинг Аризона штатида жойлашган Селигман шаҳарчасида йўқолган икки ёшли боланинг ҳаёти мўъжизавий тарзда сақланиб қолди. Тоғли ва йиртқич ҳайвонларга бой ҳудудда адашиб қолган болани Буфорд исмли хизмат ити топиб, хавфсиз жойга олиб чиққан.

 

Боден Аллен исмли бола, Буюк Канёндан 100 миль узоқликдаги уйидан соат 17:00 атрофида ғойиб бўлган. Қидирув ишлари давомида полиция икки пумага дуч келган, бу эса ҳудуднинг нақадар хавфли эканини яна бир бор кўрсатган. Ниҳоят, 16 соат ўтиб, бола уйидан 11 километр узоқликда дарахт тагида ухлаётган ҳолатда топилган.

 

Боланинг топилишига Буфорд ити сабаб бўлди. Итнинг эгаси Скотти Дунтоннинг айтишича, у Буфордни кичкина боланинг ёнида кўриб қолган. Буфорд ҳудудни айланиб юрганда, боланинг изини сезган ва уни хавфсиз жойга олиб чиққан. Дантон боланинг юзи телевидениедаги янгиликлардан эшитган суратга ўхшашлигини пайқаб, зудлик билан полицияни чақирган. Ҳуқуқ-тартибот органлари ва боланинг ота-онаси зудлик билан етиб келиб, Боден Алленни олиб кетишган.