82 ёшли ҳинд аёли қадимий жанг санъатини ўргатмоқда
Ҳозирда у тахминан 50 нафар ўқувчига машғулот ўтади.
Ҳиндистонлик 82 ёшли Минакши Рагҳаван дунёда қадимий Каларипаятту жанг санъатини ўргатаётган энг кекса аёл ҳисобланади. У 7 ёшида ушбу санъатни ўрганишни бошлаган ва 1950 йилда турмуш ўртоғи билан мактаб очган.
Минакши бугунги кунда ҳам ҳар куни соат 5:00 да дарс бошлайди ва тахминан 50 нафар ўқувчига машғулот ўтади. У ўз фарзандларини ҳам ушбу санъат асосларида тарбиялаган. "Мен ўлгунумча калари билан шуғулланаман", — дейди у.
Каларипаятту камида 3000 йиллик тарихга эга бўлиб, Ҳиндистоннинг Керала штатида пайдо бўлган. У нафақат жанг, балки куч, интизом ва ўзини ҳимоя қилишни ҳам ўргатади. Санъатни тўлиқ ўзлаштириш учун тахминан беш йил керак бўлади.
