Илон Маск давлат хизматидан кетиш ниятида
Бунга одамларнинг тинимсиз танқидлари сабаб бўлган.
Америка тадбиркори ва АҚШ Давлат самарадорлиги департаменти раҳбари Илон Маск давлат хизматидан кетмоқчи эканини маълум қилди. Унинг сўзларига кўра, бунга одамларнинг тинимсиз танқидлари сабаб бўлган.
Маълумотларга қараганда, Маск ҳукуматдаги лавозимидан 2025 йил май ойида расман кетиши кутилмоқда. АҚШ Президенти Доналд Трамп эса Маскни қароридан қайтариш ва уни давлат хизматида қолишга кўндириш учун ҳаракат қилиши мумкинлигини билдирган.
Илон Маск SpaceX ва Tesla каби хусусий лойиҳалари орқали глобал технология тараққиётида етакчи шахслардан бири сифатида танилган. Унинг давлат бошқаруви соҳасидан кетиши кенг жамоатчиликда турли муҳокамаларга сабаб бўлмоқда.
