Давлат харидларида коррупция хавфига қарши чоралар кучайтирилмоқда
Эндиликда давлат харидларидаги ортиқча харажатлар учун мансабдорлар жавобгарликка тортилади.
Давлат харидларида юзага келадиган ортиқча харажатлар ва коррупция хавфларининг олдини олиш мақсадида Ўзбекистонда янги тартиблар жорий этилмоқда. Эндиликда бундай ҳолатларга йўл қўйган мансабдор шахслар жавобгарликка тортилади.
Шунингдек, Олий Мажлисга ҳар йили давлат бюджетидан энг кўп маблағ оладиган учта вазирлик ва идорада коррупция хавфини баҳолаш бўйича тизимли таҳлиллар ўтказилиши тавсия этилган. Бу таҳлиллар асосида коррупцион ҳолатларни камайтириш ва ортиқча харажатларни бартараф этиш бўйича амалий таклифлар ишлаб чиқилади.
