Украинадаги можарони тўхтатиш бўйича режа тайёрланди
Ҳужжат Лондонда муҳокама қилинади.
АҚШ Украинадаги можарони тўхтатиш бўйича 7 банддан иборат режа тайёрлади. Бу ҳақида The Telegraph нашри хабар берди.
Ҳужжат Лондонда муҳокама қилинади. Асосий мазмунга кўра, АҚШ Қрим устидан Россия суверенитетини расман, қолган ҳудудларни эса амалий тарзда тан олиши мумкин.
Режанинг дастлабки икки бандида ўт очишни зудлик билан тўхтатиш ва Украина ҳамда Россия ўртасида тўғридан-тўғри музокаралар ўтказиш таклиф этилган. Хабарда айтилишича, Зеленский бу таклифга аллақачон розилик билдирган.
Учинчи бандда Украина НАТОга қўшилишдан воз кечиши кераклиги, бироқ ЕИга аъзо бўлиш имконияти сақланиши кўрсатилган.
Тўртинчи банд — АҚШ Қрим устидан Россия суверенитетини де-юре тан олиши таклиф этилади.
Бешинчи бандга кўра, Запорожье АЭС назорати АҚШга ўтади.
Олтинчи бандда Украина АҚШ компанияларига ўз табиий ресурсларига етарли даражада кириш имконини берадиган келишув имзолаши назарда тутилган.
Еттинчи банд АҚШ-Россия муносабатларини қайта кўриб чиқиш, санкцияларни бекор қилиш ва энергетика соҳасида ҳамкорликка бағишланган.
Мутахассислар фикрича, бу режа Киев учун оғир сиёсий сигнал бўлиб, Ғарб Украинадан тобора юз ўгирмаяптими, деган саволни ўртага ташлаяпти.
