Гулнора Каримованинг 95 млн доллари Ўзбекистонга қайтарилган
Яна 108 млн доллар пул Ўзбекистонга қайтарилиши кутилмоқда.
Гулнора Каримова ноқонуний ўзлаштирган Швейцариядаги маблағлардан 95 млн доллари Ўзбекистонга қайтарилган. Бу ҳақида бугун, 24 апрель куни Олмалиқ шаҳрида ўтказилаётган матбуот анжуманида Иқтисодиёт ва молия вазири ўринбосари Отабек Фозилкаримов маълум қилди.
Маъсулга кўра, мусодара қилинган 131 млн долларни Ўзбекистонга қайтариш бўйича келишувга эришилган. Айни пайтгача мамкалатга келиб тушган 87 млн долларлик маблағлар соғлиқни сақлаш ва таълимга сарфланмоқда (ҳар бир соҳага 43,5 млн доллардан).
“Гулнора Каримова ноқонуний ўзлаштирган маблағлардан Бельгиядаги 108 млн доллар Ўзбекистонга қайтарилиши кутилмоқда. Бу бўйича музокаралар олиб бориляпти”, — дейди Иқтисодиёт ва молия вазири ўринбосари Отабек Фозилкаримов
