Жанубий Кореядаги кўргазма марказида ёнғин чиқди
Ҳозирда кўргазма вақтинча ёпилган.
Сеул шаҳрида жойлашган мамлакатнинг энг йирик кўргазма мажмуаларидан бири — COEX биносида ёнғин юз берди. Бу ҳақда маҳаллий Ёнҳап ахборот агентлиги хабар бермоқда.
Маълумотларга кўра, ёнғин марказ ичида жойлашган ресторанлардан бирида бошланган. Ҳодиса сабаби ҳозирча аниқ эмас ва таҳлил ишлари давом этмоқда.
Ҳозирча жабрланганлар ёки ҳалок бўлганлар ҳақида расмий маълумот берилмаган. Ҳукумат ва фавқулодда вазиятлар хизмати томонидан ёнғин батамом назоратга олингани айтилмоқда. Кўргазма маркази вақтинча ёпилган.
