Буюк Британияда дунёдаги биринчи сувости парки очилади
Янги парк ЮНEСКО рўйхатига кирган ҳудудда жойлашади.
Буюк Британияда дунёдаги биринчи сувости кўнгилочар парки очилмоқда. Янги парк Шимолий Уэлсдаги Вивиан карерида, ЮНEСКОнинг Бутунжаҳон мероси рўйхатига кирган ҳудудда жойлашади. У ерда сув ости музейи, шўнғиш мактаби ва квест хоналари ташкил этилади.
Нашрга кўра, дунёда бошқа сув ости музейлари ҳам мавжуд, бироқ уларнинг аксарияти фақат катталар учун мўлжалланган. Бу янги марказ эса 10 ёшдан катта болалар учун ҳам очиқ бўлади.
Ташриф буюрувчилар сув остидаги эски бинолар, тоғ-кон ускуналари ва 19 метр чуқурликда жойлашган бомбани кўриш имкониятига эга бўладилар.
Шўнғиш академияси эса ташриф буюрувчиларга асосий шўнғиш кўникмаларини ўргатади ва махсус машғулотлар ўтказади.
