Трамп даромад солиқларини қисқартиради
Мамлакат бўйлаб кўплаб янги иш ўринлари яратилади.
АҚШ президенти Доналд Трамп ўз баёнотида даромад солиқларини қисқартириш натижасида кўплаб америкаликларнинг солиқ тўлаши кескин камайишини таъкидлади. Унинг сўзларига кўра, ҳатто баъзи фуқаролар учун даромад солиқлари бутунлай бекор қилиниши мумкин. Асосий эътибор йилига 200 минг доллардан кам даромад олувчиларга қаратилган.
Трампнинг таъкидлашича, мамлакат бўйлаб кўплаб янги иш ўринлари яратилмоқда. Янги завод ва фабрикалар қурилаётгани ёки режалаштирилаётгани иқтисодий ўсиш учун мустаҳкам замин яратади. У бу жараённи "Америка учун катта ютуқ" деб баҳолади.
Шунингдек, Трамп ташқи даромадларни ҳам қайтадан мамлакат хизматига қайтариш ниятида эканини маълум қилди. Унинг фикрича, "Made in America" сиёсати кучайиб, Америка саноатини тиклашда муҳим роль ўйнайди.
