Хитой Филиппин яқинидаги оролни эгаллаб олди
Бу ҳаракат минтақадаги сиёсий тарангликни янада кучайтириши мумкин.
Хитой қўшинлари Филиппиннинг Send Key оролини эгаллаб, уни расман ўз ҳудуди деб эълон қилди. Маълумотларга кўра, Хитой чегара кучлари оролда мамлакат байроғини кўтариб, ҳудудни ўзига тегишли деб эълон қилган.
Сенд Кей ороли, Филиппиннинг энг муҳим ҳарбий базаларидан бири бўлган Титу оролидан бир неча километр узоқликда жойлашган. Хитойнинг ушбу ҳаракати, минтақадаги сиёсий ва ҳарбий тарангликни янада кучайтириши мумкин, айниқса, АҚШ ва Филиппин ўртасидаги катта ҳарбий машғулотлар олиб борилаётган бир пайтда.
Ушбу ҳодиса, Хитой, Ветнам ва Филиппин ўртасидаги зиддиятни кучайтириши хавфини оширади. Минтақадаги ҳарбий стратегик ўзгаришлар, глобал сиёсий барқарорликка таъсир ўтказиши мумкин.
