Қирғизистонда “Хитой – Қирғизистон – Ўзбекистон” темир йўлидаги туннель қурилиши бошланди
Ерости туннелининг узунлиги 12 километр бўлади.
Жалолобод вилоятида “Хитой – Қирғизистон – Ўзбекистон” темир йўли лойиҳаси доирасида 12 километрлик ерости туннелининг қурилиши бошланди. Бу — лойиҳадаги энг узун ва стратегик аҳамиятга эга иншоотлардан бири ҳисобланади.
Туннель Сузоқ туманидан Тоғуз-Торов туманигача бўлган масофани қамраб олади. Темир йўлнинг умумий қурилиши эса 2024 йил 27 декабрь куни бошланган эди.
Бу лойиҳа минтақадаги юк ва йўловчи ташиш салоҳиятини кескин ошириши кутилмоқда.
