Нью-Йорк – Тошкент йўналишида махсус чартер рейс ташкил этилмоқда
Рейс орқали АҚШда оғир аҳволга тушиб қолганлар ватанга қайтарилади.
Бугун, 30 апрель куни АҚШ ҳудудида қонуний асосларсиз бўлиб турган ва депортация қилинадиган Ўзбекистон фуқаролари учун махсус чартер рейслар амалга оширилмоқда.
Ташқи ишлар вазирлиги матбуот котибининг хабар беришича, мазкур репатриация ташаббуси хорижда оғир вазиятга тушиб қолган Ўзбекистон фуқароларининг ҳуқуқларини таъминлаш ва уларни ватанга қайтаришга қаратилган. Рейсларни ташкил этиш жараёни икки давлатнинг консуллик ва миграция хизматлари билан ҳамкорликда амалга оширилмоқда.
Қайтарилаётган фуқаролар орасида виза талабларини бузган ёки АҚШда қонуний қолиш муддати тугаган шахслар бўлишига қарамай, жараён инсонпарварлик ва ҳуқуқий тамойиллар асосида ташкил этилмоқда.
