АҚШ ва Украина фойдали қазилмалар бўйича келишув имзолади
Унда АҚШ маблағлари тўлиқ ҳимояланган.
АҚШ Президенти Доналд Трампнинг баёнотига кўра, Қўшма Штатлар ва Украина ўртасида фойдали қазилмаларни қазиб олиш ва қайта ишлаш бўйича муҳим битим имзоланди. “Бу шундай битимки, унда АҚШ маблағлари тўлиқ ҳимояланган. Энди эса ресурсларни қазиб олиш ва зарур ишларни бошлашимиз мумкин”, — деди Трамп.
Келишув доирасида Украинани тиклашга қаратилган махсус инвестиция жамғармаси тузилади. Унда қуйидагилар назарда тутилган:
Жамғарма Украина ҳудудида фойдали қазилмаларни қазиб олиш ва қайта ишлаш лойиҳаларини молиялаштиради;
Маблағлар фақат Украинада ишлатилади;
АҚШ жамғармага тўғридан-тўғри сармоя киритади, шунингдек, Украинага ажратиладиган ёрдамнинг бир қисми ҳам ушбу жамғармага йўналтирилади;
Жамғарма маблағлари янги бериладиган фойдали қазилмалар лицензияларидан тушадиган даромадлар ҳисобидан тўлдириб борилади.
