Бухорода Chery ва юк машинаси тўқнашди
Фожиа оқибатида Chery ҳайдовчиси ҳалок бўлган.
30 апрель куни соат 10:30 лар атрофида Бухоро вилоятининг Ромитан туманидан ўтувчи А-380 автомобиль йўлининг 256-километрида фожиали йўл-транспорт ҳодисаси юз берди. Chery русумли енгил автомобиль юк машинаси билан тўқнашди.
Тўқнашув оқибатида Chery автомобили ҳайдовчиси, 1967 йилда туғилган I.M., воқеа жойида вафот этган. Машинада бўлган йўловчи – 1971 йилда туғилган аёл Sh.P. бош мия ёпиқ жароҳати, мия чайқалиши ҳамда кўкрак қафаси юмшоқ тўқималарининг лат ейиши каби тан жароҳатлари билан касалхонага ётқизилган.
Ҳозирда ҳодиса юзасидан терговга қадар текширув ишлари олиб борилмоқда.
