Дунёда илк бор динозавр териси яратилмоқда

Олимлар тарихий Т. рех динозаврининг терисидан фойдаланиб, биринчи лабораторияда ўстирилган чармни яратишга тайёрланмоқда. Ушбу лойиҳа, илғор геномик муҳандислик ва тўқима технологияларини бирлаштирган ҳолда, моданинг келажагига янги йўналиш қўшади.

 

1988 йилда Монтанада топилган Т. рех фосилидан олинган коллаген ёрдамида, олимлар сунъий равишда бу динозаврнинг терисини қайта яратишга муваффақ бўлмоқдалар. Бу чарм махсулотлари экологик жиҳатдан барқарор альтернатив сифатида ишлаб чиқарилади.

 

Т. рех чармидан тайёрланган аксессуарлар 2025 йил охирига қадар тақдим этилиши кутилмоқда. Лойиҳада экологик таъсирни камайтириш ва анъанавий чарм ишлаб чиқаришдаги шафқатсизликни бартараф этиш мақсад қилинмоқда.

 

Бу янги технология, келажакда нафақат модада, балки автомобиль саноати каби бошқа соҳаларда ҳам ўз ўрнини топиши мумкин.