Исроиллик друзлар автомагистрални тўсиб қўйди
Улар Суриядаги друзларга қарши ҳужумларни тўхтатишни сўраган.
Исроилда друз жамоаси вакиллари мамлакатдаги асосий автомагистралларни тўсиб қўйиб, ҳукуматдан Суриядаги друзларга қарши ҳужумларни тўхтатиш ва уларни ҳимоя қилишни талаб қилди.
Мудофаа вазири Исраéл Катс шундай деди: “Мен яна бир бор Сурия режими раҳбари Аҳмад аш-Шараани огоҳлантираман: агар Суриядаги друзларга ҳужумлар тўхтатилмаса, биз жуда кескин жавоб берамиз. Кеча юз берган ҳужумлардан сўнг, Бош вазир Нетаняху ва мен ИДФга (Исроил армияси) огоҳлантирувчи зарбалар бериш буйруқларини бердик ва Сурия режимига бу ҳужумларни тўхтатиш масъулияти уларнинг зиммасида эканини аниқ билдирдик. Биз друзларни ҳимоя қилишга интиляпмиз ва воқеаларни диққат билан кузатяпмиз.”
Ал Жазеэраънинг хабар беришича, Исроил армияси Суриянинг жанубида, Ҳермон тоғи этагидаги Ҳадар номли друз қишлоғига кирган. Сйриа ТВ эса Исроил ҳарбийлари қишлоққа кириш-чиқишни назорат қилиш учун постлар ўрнатиб, барча йўлларни ёпганини билдирган. Ҳатто улар Сурия ҳудудига чуқурроқ кириб, Баксам друз қишлоғи яқинида ҳам назорат постини ўрнатган.
Аввалроқ Сурия ҳукумати кучлари билан друз жангчилари ўртасида тўқнашувлар бошланган эди.
