Трамп 8 майни Ғалаба куни деб эълон қилди
Унда Иккинчи жаҳон урушидаги ғалаба нишонланади.
АҚШнинг президенти Доналд Трамп чиқишида 8 майни Иккинчи жаҳон урушидаги Ғалаба куни деб эълон қилди. Унинг таъкидлашича, АҚШ бу урушда бошқа ҳеч бир давлат билан солиштириб бўлмайдиган даражада катта ҳисса қўшган. Шу сабаб, Трумп фикрича, бу ютуқни алоҳида нишонлаш вақти келган.
“Кўплаб дўстларимиз ва иттифоқчиларимиз 8 майни аллақачон байрам сифатида нишонлайди. АҚШ эса Иккинчи жаҳон урушида муҳим роль ўйнаган. Шу сабаб, мен 8 майни Иккинчи жаҳон урушида, 11 ноябрни эса Биринчи жаҳон урушидаги Ғалаба куни деб эълон қиламан,” деди у.
Трамп Америкага ўз ғалабалари ва тарихий ютуқларини яна бир бор кенг нишонлаш кераклигини таъкидлади. Унинг сўзларига кўра, бугунги кун етакчилари бундай байрамларни ташкил қилишни унутиб қўйган ва бу анъаналарни тиклаш вақти келган.
