Австралияда дунёдаги энг йирик электрокема сувга туширилди

Австралиянинг Хобарт портида Ҳулл 096 номли электрокема сувга туширилди. Ишлаб чиқарувчи Incat компаниясига кўра, у ҳозирча дунёдаги энг йирик электр кема ҳисобланади.

 

Ҳулл 096 узунлиги 130 метр бўлиб, 2100 йўловчи ва 225 та транспорт воситасини ташиш имкониятига эга. Кема фақат аккумуляторлардан олинадиган электр энергияси ёрдамида ишлайди. Унинг оғирлиги 250 тоннани, умумий қуввати эса 40 мегаватт-соатдан ортиқни ташкил этади. Кема саккизта электр сув двигателига уланган бўлиб, қуввати аввалги денгиз қурилмаларидан тўрт баравар кучли.

 

Incat раиси Роберт Клиффорд бу лойиҳани компания тарихидаги энг дадил ва мураккаб иш деб атади. Унинг сўзларига кўра, улар экологик тоза транспорт ечимларини яратишга катта эътибор қаратмоқда.

 

Ҳулл 096 нафақат энг йирик электр кема, балки дунёда шу пайтгача қурилган энг катта электр транспорт воситаси ҳам ҳисобланади. Incat бош директори Стивен Кейсининг таъкидлашича, Ҳулл 096 паст эмиссияли транспорт келажагининг бугунги кунда ҳам амалга ошиши мумкинлигини исботлаб берди.