Қозоғистон россиялик депутатларнинг мамлакатга киришини тақиқлади
Ҳукумат бу қарорга расмий изоҳ бермаган.
27 апрель куни Россия МДҲ мамлакатлари институти ходими Андрей Грозин Остона аэропортига етиб келганида, унга Қозоғистон ҳудудига киришга рухсат берилмади. Грозин Қозоғистон-Россия муносабатларига бағишланган тадбирларга расмий таклиф этилган бўлсада, у тақиқланган шахслар рўйхатида экани аниқланган. Қозоғистон ҳукумати бу қарорнинг сабабларини расман тушунтирмаган.
Норасмий манбаларга кўра, Грозин чиқишларида Қозоғистон раҳбариятини танқид қилган ва қозоқ халқига нисбатан ҳақоратли ифодалар ишлатган. Шу сабабли у, жумладан, Жириновский, Канделаки, Дугин каби машҳур россияликлар кирган ёпиқ рўйхатга қўшилган. Бунга жавобан Россия ҳам бир қатор қозоғистонлик сиёсатчилар ва фаолларга мамлакатга киришни тақиқлаган.
Қозоғистонлик депутат Айдос Сарим Россияга киришга уринганда рад жавобини олганини айтиб, ҳозирги вазиятда икки давлат ўртасидаги кириш тақиқлари ортиб бораётганини таъкидлади. У бундай амалиёт Беларус билан ҳам кузатилаётганини қўшимча қилди.
