Хитой АҚШнинг 40 млрд долларлик товарини бождан озод қилди
Икки давлат ўртасидаги савдо муносабатлари юмшамоқда.
Блоомберг хабарига кўра, Хитой ортиқча шов-шувсиз АҚШдан импорт қилинадиган 40 миллиард долларлик товарларга бож имтиёзларини жорий этди.
Бу қарор Пекин ва Вашингтон ўртасидаги савдо муносабатлари юмшаётганидан дарак беради. Хитойнинг бундай ёндашуви икки мамлакат ўртасидаги иқтисодий алоқаларнинг муҳим жиҳатларини ортиқча эътибордан четда ҳал қилишга уринаётганини кўрсатади.
Мутахассислар ушбу имтиёзлар Хитой ички бозоридаги етказиб бериш занжирларини барқарорлаштириш ва АҚШ билан савдо муносабатларини мўътадиллаштиришга хизмат қилишини таъкидламоқда.
