Самарқандда 7 ойлик чақалоқ кўчага ташлаб кетилди
Ҳолат тегишли органлар томонидан ўрганилмоқда.
Ижтимоий тармоқларда тарқалган 7 ойлик гўдакни кўчага ташлаб кетиш ҳолати бўйича расмий муносабат билдирилди.
Болалар омбудсмани ҳолатни алоҳида назоратга олиб, ҳозирда ички ишлар ва прокуратура органлари томонидан тегишли суриштирув ишлари олиб борилмоқда.
Дастлабки маълумотларга кўра, Сирдарё вилоятида яшовчи аёл ўзининг 7 ойлик фарзандини Самарқанд вилояти Пастдарғом туманидаги маҳалла ҳудудида ташлаб кетган. Аёлнинг яшириниб олгани аниқланган.
Мазкур ҳолат юзасидан ҳозирда туман ИИБ томонидан терговга қадар текширув ҳаракатлари олиб борилмоқда. Бола эса тумандаги гўдаклар учун мўлжалланган муассасага жойлаштирилиб, унга зарур парвариш кўрсатилмоқда.
Аёлнинг шахси аниқланган бўлиб, унинг ҳаракатларига нисбатан ҳуқуқий баҳо бериш жараёни давом этмоқда. Ҳолат юзасидан қўшимча маълумотлар тақдим этилиши режалаштирилган.
