Туркияда кесарча кесиш тақиқланди

Туркия ҳукумати туғилишнинг пасайишига қарши курашиш учун тиббий кўрсатмасиз режалаштирилган кесарча кесишни тақиқлашга қарор қилди. Бу қарор аёллар ҳуқуқларини ҳимоя қилувчи ташкилотлар норозилигига сабаб бўлиб, мамлакат бўйлаб қизғин баҳс-мунозараларни келтириб чиқарди.

 

19 апрель куни эълон қилинган фармонга кўра, кичик хусусий клиникаларда энди тиббий сабаб бўлмаса, сезарен операциялари ўтказилмайди. Бундан ташқари, ўз операция хонасига эга бўлмаган клиникаларда туғруқ бўлимларини яратиш ҳам тақиқланади. Янги қоидалар рақамли ҳужжатлаштириш ва маълумотлар хавфсизлигини ҳам ўз ичига олади.

 

Туркияда сезарен жуда кенг тарқалган. 2018 йилда бу кўрсаткич 51,9% бўлса, 2022 йилда 57,2% га етган. Президент Эрдўған 2008 йилдан бери аёлларни “камида учта бола” туғишга чақириб келади, лекин сўнгги йилларда туғилиш кўрсаткичи пасайиб, ҳар бир аёлга 1,5 бола даражасига тушиб қолган.

 

Аёллар ҳуқуқларини ҳимоя қилувчи ташкилотлар бу қарорни қаттиқ танқид қилиб, уни аёлларнинг тана автономияси ва танлаш ҳуқуқига ҳужум деб аташди. “Аёлларни туғишга мажбур қилиш ва қандай она бўлишлари кераклигини кўрсатишга уриниш уларнинг ҳуқуқларини бузади,” дея таъкидлади Туркия хотин-қизлар уюшмалари федерацияси раҳбари Санан Гуллу.