Хитойда ёш репетитор тўй арафасида вафот этди
Ёш бўлишига қарамай, ортиқча меҳнат унинг вафотига сабаб бўлган.
Хитойнинг Ухан шаҳрида қайғули воқеа юз берди. 20 ёшли иқтидорли репетитор, тўйига саноқли кунлар қолганда, оғир иш юки ва тинимсиз стресс оқибатида вафот этди.
Соутҳ Чина Морнинг Пост нашрининг ёзишича, марҳум бир вақтнинг ўзида 400 нафар талабага инглиз тили ва математикадан сабоқ берган. У ишлаган йирик онлайн таълим платформасида фақат дарс бериш билан кифояланмасдан, юзлаб ота-оналарнинг мурожаатларига ҳам мунтазам жавоб бериб келган. Ёш устоз ҳар куни камида 6 соат қўшимча вақт сарфлар, кечга қадар ишхонада қолиб кетар эди.
Фожиа рўй берган куни у яна ишда қолган. Бўлажак рафиқаси у билан боғлана олмагач, хавотир билан полицияга мурожаат қилган. Эртаси куни тозаловчи ходим уни ўз иш кабинетида жонсиз ҳолатда топган. Шифокорлар юрак фаолиятининг тўсатдан тўхташига ортиқча иш юки ва стресс сабаб бўлганини тасдиқладилар.
Бу воқеа таълим тизимидаги оғир меҳнат шароитларига жиддий эътибор қаратиш зарурлигини яна бир бор эслатади.
