Самарқандда уч қаватли уй портлади
Ҳодиса оқибатида 6 киши ҳалок бўлган.
Қайд этилишича, 8 майдан 9 май кунига ўтар кечаси Самарқанд шаҳар «Боғисарой» МФЙ Спитамен кўчасида жойлашган уйларнинг бирида газ-ҳаво аралашмасининг чақнаши содир бўлганлиги тўғрисида ФВБга хабар қилинган.
Шунга кўра, ёнғин-қутқарув экипажлари воқеа жойига етиб бориб, бахтсиз ҳодиса оқибатларини бартараф этишга киришган.
Чақнаш натижасида ҳосил бўлган кинетик зарбадан уйнинг темир-бетон конструкциялари қулаши оқибатида, 1,2,3чи қаватлари ва ертўла қисми зарарланган. Ёнғин содир бўлмаган.
Олиб борилган ҳаракатлар натижасида вайроналар остидан 6 нафар фуқаронинг жасади топилган.
Мазкур ҳолат юзасидан дастлабки терговолди суриштирув ишлари олиб борилмоқда.
