Хитой Ўзбекистон фуқаролари учун визани бекор қилди
1 июндан Ўзбекистон фуқаролари Хитойга визасиз бора олади.
2025 йил 1 июндан бошлаб Ўзбекистон фуқаролари Хитойга визасиз сафар қилиш имкониятига эга бўладилар. Бу ҳақда Ўзбекистон Ташқи ишлар вазирлиги хабар берди.
Расмий маълумотга кўра, Ўзбекистон ва Хитой ўртасида ўзаро визасиз режимни жорий этувчи ҳукуматлараро битим кучга кирган. Эндиликда Ўзбекистон фуқаролари Хитой ҳудудига визасиз кириб боришлари, чиқишлари ёки транзит орқали ўтишлари мумкин бўлади.
Муҳим шартлар қуйидагича:
- Ҳар бир сафар 30 кундан ошмаслиги,
- Ҳар қандай 180 кунлик даврда Хитойда умумий бўлиш муддати 90 кундан ошмаслиги лозим.
- Агар фуқаролар 30 кундан ортиқ қолмоқчи бўлса, олдиндан виза олишлари талаб этилади.
Бу визасиз режим меҳнат фаолияти, ўқиш, журналистика ёки бошқа рухсат талаб қилинадиган фаолият турлари учун амал қилмайди.
Шунингдек, ушбу битим Хитойнинг Гонконг ва Макао махсус маъмурий ҳудудларига нисбатан татбиқ этилмайди.
