Исроил ва Сурия Иорданияда яширин музокара ўтказди
Музокаралар БАА воситачилигида олиб борилмоқда.
Иорданияда Исроил хавфсизлик хизматлари ва Сурия ҳукумати вакиллари ўртасида яширин музокаралар бўлиб ўтди. Бу ҳақда “Al Akhbar” нашри ўз манбаларига таяниб хабар берди.
Музокараларда Сурия жанубида зарарсизлантирилган буфер зона яратиш имконияти муҳокама қилинган. Агар томонлар келишувга эришса, мазкур ҳудудда назоратни Исроил зиммасига олиш эҳтимоли мавжуд. Музокаралар БАА воситачилигида олиб борилмоқда ва ушбу давлат минтақавий ташаббускор сифатида ҳам фаол қатнашмоқда.
Бунгача томонлар ўртасида шунга ўхшаш учрашув Озарбайжонда ўтказилганди. Исроил томонига генерал-майор Одед Басюк бошчилик қилган, Туркия вакиллари ҳам қатнашган. Сўнгги хабарларга кўра, АҚШ президенти Доналд Трамп ҳам Сурия муваққат президенти билан учрашиб, келишувлари доирасида Исроилни тан олиш таклифини берган.
