Эстония 400 млн еврога ҳужумчи дронлар олади
Дронлар ҳаво ҳужумларига жавоб бериш функциясини бажаради.
Эстония ҳукумати келгуси етти йил давомида мудофаа салоҳиятини мустаҳкамлаш мақсадида 400 миллион евро сарфлаб ҳужумчи учувчисиз дронлар харид қилишни режалаштирмоқда. Бу ҳақда мамлакат мудофаа расмийлари маълум қилди.
Режада бўлган харидлар Эстониянинг НАТО доирасида ўз хавфсизлигини таъминлашга қаратилган саъй-ҳаракатларининг бир қисми саналади. Дронлар ҳаво ҳужумларига жавоб бериш, разведка олиб бориш ва стратегик нишонларга зарба бериш каби функцияларни бажаради.
Эстония томони айни дамда қайси турдаги ёки қайси давлатдан учувчисиз дронлар олиниши бўйича аниқлик киритмаган. Бироқ ҳарбий таҳлилчиларга кўра, бу каби инвестициялар Россия билан географик яқинликда жойлашган Болтиқбўйидаги давлатлар учун хавфсизлик кафолати сифатида муҳим аҳамият касб этади.
