Янги метро йўналишининг қурилиши 15 июндан бошланади
Янги линия йўлдаги тирбандликларнинг олдини олади.
ТТЗ даҳасигача олиб бориладиган метро йўналиши лойиҳасини қуриш ишлари жорий йилнинг 15 июнидан бошланади ва 2026 йилнинг охиригача якунлаш режалаштирилмоқда. Бу ҳақида транспорт вазири Илҳом Маҳкамов маълум қилди.
Шунингдек, Тошкентни Янги Тошкент билан боғлаш учун "Дўстлик" бекатидан янги метро йўналиши қурилади.
“Биз президентга “Пушкин” метро бекатидан ТТЗ мавзесигача, янги 10 км.дан ошиқ бўлган метро йўналиши лойиҳасини тақдимот қилдик. Айнан ТТЗ йўналиши танланганининг сабаби Тошкентга асосан одамлар оқими шу тарафдан Чирчиқ, Ғазалкентдан келади. Бу метро лойиҳасининг қурилиши йўлдаги тирбандликларни олдини олишга ва одамларга қўшимча шароитлар яратади”, - дейди вазир.
